قول مقترحاتك لنهوض عزبة الوالدة

قول مقترحاتك عاوز عزبة الوالدة تبقى عاملة ازاى وايه الطرق اللى نخليها تبقى كدة انا عن نفسى اقول لازم نشوف حل للدخان بتاع الجيش ده والزبالة اللى بتتحرق فيه على طول ونقدم شكوى للمجلس المحلى والمحافظة بالكلام ده ماحنا بندفع فاتورة القمامة ومفيش حد بييجى ياخدها وكله بيلقى زبالته فى الجيش وتولع والدخان ييجى علينا . تانى حاجة بلاش السلبية اللى فينا ده كل واحد بيقول انا مالى انا ومن بعدى الطوفان لالا مش هتمشى كدة كل واحد فينا يبدأ بنفسه اولا ثم ندعو الاخرين لازم نسيبنا بقى من السلبية ده والله لو كل واحد بدا بنفسه لنعمل انجاز محدش عمله .ثالثا بلاش عناد مع بعضينا ومنقعدش نقول ده من عيلة كذا وده من عيلة كذا ونقعد نمسك فى خناق بعض لاتفه الاسباب طبعا انا عارف انى طولت ولسة كل نقطة من دول عاوزة موضوع لوحدة ولكن نكتفى بهذا القدر داعين من الله عز وجل ان يعلمنا ماينفعنا وان يساعدنا فى تطويرمنطقتنا الحبيبة عزبة الوالدة والسلام عليكم ورحمة الله وبركانه.